Taulant Balla në përgjimet e Elbasanit? Meta “kyç” gojën: Këtu jemi për...

Politikë

Taulant Balla në përgjimet e Elbasanit? Meta “kyç”

Kreu i PL-së, Ilir Meta është pyetur edhe për lakimin e emrit të kreut të grupit parlamenetar socialist Taulant Balla në përgjime.

Meta e ka anashkaluar përgjigjen, ka refuzuar të japë një koment. Ishte Ardian Çapja gjatë një seancë gjyqësore që riktheu në vëmendje përgjimet dhe politikanin “Taulant".

Më pas mediat kanë siguruar dosjen ku thuhet se politikani "Taulant" është përgjuar nga prokuroria e Elbasanit për 2 ditë në muajin shkurt të vitit 2016.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Kujtojmë se disa ditë më parë partia Demokratike në një deklaratë për mediat përmes zëdhënëses Floriana Garo, u shpreh se “PD e kanë denoncuar implikimin e Taulant Ballës në aferat dhe aktivitetet e bandave të Elbasanit, konkretisht me Gentian Sharrën, me të cilin ekzistojnë qindra biseda telefonike”.

PD i ka bërë thirrje SPAK që të hapë dhe të hetojë dosjen e avokatit Ravik Gurra.

“Në Parlamentin shqiptar, një deputet i Rilindjes, emrin nuk e ndërron kurrë si disa kolegë të tij, por mbiemra ka disa. Ndryshe nga personazhi i filmit artistik shqiptar “Taulanti kërkon një motër”, Taulanti-deputet kërkon një mbiemër. Herë na shfaqet si Balla, herë Bego, herë si Gurra, e herë tjetër si Xibraka.

Emri i tij, pa mbiemër, u shfaq para dy ditësh edhe në dëshminë e biznesmenit elbasanas, i akuzuar nga drejtësia për disa vepra penale, Ardian Çapja. Si politikan, por edhe me një spaletë të re: si vrasës”, shprehet Garo.

Më tej ajo deklaroi se: Çapja dëshmoi se avokati i tij Ravik Gurra është vrarë para tre vitesh për arsye se zotëronte përgjime të cilat implikonin një politikan të lartë. Emri i të cilit është Taulant.

Partia Demokratike dhe kryetari i saj e kanë denoncuar pafund implikimin e Taulant Ballës në aferat dhe aktivitetet e bandave të Elbasanit, konkretisht me Gentian Sharrën, me të cilin ekzistojnë qindra biseda telefonike.

Emri i tij është shfaqur edhe në dëshmitë e të penduarve të drejtësisë. Nuredin Dumani e ka përmendur emrin e tij, si funksionar i lartë i Partisë Socialiste në dëshminë e tij për prokurorët. Por nga Dumani deri te Çapja, Taulant Balla ka shkuar nga politikan i korruptuar në politikan qe porosit vrasje.

Emri i politikanit "Taulant" del edhe në përgjimet e grupit të Bajrave, a është Balla?
Partia Demokratike i kërkon SPAK të hapë dhe të hetojë dosjen e avokatit Ravik Gurra.

Nëse organet e drejtësisë nuk ndajnë politikanët nga kriminelët dhe politikanët kriminelë nga politika, ata bëhen përgjegjës të drejtpërdrejtë për humnerën dhe rrezikun që i kanoset Shqipërisë.

Implikimi i politikanëve të lartë të qeverisë me malavitën vjen tashmë nga disa burime. Denoncimi i vazhdueshëm i bandave dhe lidhjeve të tyre politike ka qenë një moto e kësaj foltoreje.

Ja pse protestohet ndër të tjera më 6 dhjetor. Për t’i thënë Europës dhe përfaqësuesve të saj se diçka nuk shkon në Shqipëri. Politika dhe krimin janë bërë një. Ata që e duan atdheun do ta kuptojnë.

Ata që e kanë shitur dhe futur në llogari offshore do të bërtasin. Taulantit që kërkon mbiemër do t’i duhet së shpejti të kërkojë edhe avokat për secilin llagap.

ME TE LEXUARAT