Po kurohej nga pneumonia, Ursula von der Leyen lë spitalin

Presidentja e Komisionit Evropian Ursula von der Leyen, e cila u shtrua në spital për gati një javë me pneumoni të rëndë, “tani është kthyer në shtëpi”, tha një zëdhënëse, duke konfirmuar lajmet e shtypit gjerman.

Kryetarja e Komisionit “u shtrua në spital për gati një javë për trajtimin e pneumonisë dhe tani është kthyer në shtëpinë e saj”, tha zëdhënësja Ariana Podesta për AFP.
Ursula von der Leyen “ishte në kontakt të përditshëm me ekipin e saj në Komision. Ajo tani po punon nga shtëpia ndërsa vazhdon shërimin e saj nga kjo sëmundje e rëndë”, shtoi ajo.

Komisioni Evropian kishte njoftuar më 3 janar anulimin e udhëtimeve të Ursula von der Leyen për 15 ditë për shkak të “pneumonisë së rëndë”.

Një zëdhënës tha se Ursula von der Leyen po vazhdonte “të kryente detyrat e saj” nga distanca, “në kontakt të ngushtë me ekipin e saj”. Komisioni kishte folur për një periudhë pushimi në zonën e Hanoverit, ku ndodhet rezidenca e Ursula von der Leyen.