Nënkryetari i Forumit Rinor të PD kërcënon Bashën: Jap dorëheqjen nëse nuk shoh të rinjtë në lista

Politikë

Nënkryetari i Forumit Rinor të PD kërcënon Bashën: Jap

Kryedemokrati Lulzim Basha është kërcënuar nga nënkryetari i FRPD, Lisandër Hoxha. Ky i fundit është shprehur se do japë dorëheqjen gjatë ditës së nesërme nuk do të ketë përfaqësues nga Forumi Rinor i PD-së. Ai tha se një herë në 4 vjet bëhen listat dhe ata duhet të jenë njerëzit më të mirë nga radhët e tyre të cilët maksimalizojnë votat dhe sjellin fitoren.

Hoxha thekson se të rinjtë nuk duhen trajtuar si gomerë dhe hamej që bredhin pas lidershipeve të caktuar dhe në fund përdoren dhe u thuhet kaluam lumin, mirupafshim kalit.

“Këshilli Kombëtar që është organi më i lartë duhet të kalojë në sit këtë listë e cila erdhi si pasojë e një komisioni që për mua produktin e tij nuk e kishte shpresëdhënës dhe besimdhënës në këtë moment historik që ndodhet Shqipëria. Ndoshta kanë pasur synimin e mirë, por produkti nuk solli atë peshë të caktuar që në kërkonim të shfaqnim figurat tona më të  mira të shoqërisë të përfaqësonin PD. Ka 8 muaj që nuk mblidhet kryesia, kush i merr vendimet, si merren këto vendime. 

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Momenti i listave është momenti më i rëndësishëm historik për PD dhe gjithë forcat e tjera. Një herë në 4 vjet bëhen listat dhe ata duhet të jenë njerëzit më të mirë nga radhët tona të cilët maksimalizojnë votat dhe sjellin fitoren, u kemi borxh fitoren shqiptarëve të këtyre zgjedhjeve të pahumbshme. Edhe me Forumin Rinor të PD, në 2018 u tha se u dha dinjitet të rinjve, por të rinjtë nuk janë gomerë dhe hamej që bredhin pas lidershipeve të caktuar dhe në fund përdoren dhe themi kaluam lumin, mirupfshim kalit. Ky forum i ka bërë një punë të jashtëzakonshme PD, nuk ka qenë struktur kot, ka produkt. 

Nëse të rinj si Ervin Bushati i Shkodrës kryetari i Forumit Rinor nuk përfaqësohen dot në atë listë, të rinj si Indrit Hoxha që i dorëzoi mandatin në Parlament, Gramoz Ruçit, të rinj të tjerë të Forumit Rinor që përbëjnë vlerë për këtë forcë politike, po atëhere hajde kot të bëjmë hipokritin, mbyllim sytë kalojmë radhën, vijnë zgjedhjet e tjera s’është normale. Dua të shoh 5-6 të rinj të Forumit Rinor të jenë pjesë e sigurtë e listave sepse e meritojnë të jenë. Dua të shoh vajza si Denisa Meçi një kryetare e Forumit Rinor të Pukës që i ka dhënë vlerë qytetit të saj me gjithë angazhimet e saj politike. Nëse nuk ndodhin këto të na thonë që nuk ndodhin, ua dorëzojmë dorëheqjen me kënaqësi edhe nga nënkryetar i Forumit Rinor edhe nga Këshilli Kombëtar dhe të vazhdojmë rrugën të mbajmë përgjegjësi”, u shpreh nënkryetri i FRPD-së.

ME TE LEXUARAT