Meta: COVID thelloi pabarazitë në vend, virusi u shfrytëzua për të shkelur të drejtat e njeriut

Politikë

Meta: COVID thelloi pabarazitë në vend, virusi u shfrytëzua

Presidenti Ilir Meta ka deklaruar sot se  COVID-19 thelloi pabarazitë në vend dhe se u shfrytëzua për shkeljen dhe cënimin e të drejtave të qytetareve, që nuk kishin lidhje me pandeminë. Duke mos kursyer sulmet ndaj qeverisë aktuale, Meta shprehet se me referndumin e 25 prillit qytetarët do të ndahen nga kjo epokë e errët e dhunimit të demokracisë.

“COVID-19 jo vetëm i thelloi pabarazitë në vend, por u shfrytëzua pabesisht edhe për shkeljen dhe cenimin e të drejtave të qytetarëve për motive, që nuk kishin asnjë lidhje me pandeminë.

Përpjekjet e Qeverisë për të shkatërruar demokracinë dhe kapur institucionet e pavarura nuk u kursyen as gjatë kësaj kohe, duke kulmuar me dhunë policore shproporcionale ndaj qytetarëve, shembjen kriminale të Teatrit Kombëtar dhe miratimin e të tjera koncensioneve dhe akteve antikushtetuese, që cenojnë interesin publik e kombëtar.

Duke e përshëndetur mesazhin e Komisioneres për të Drejtat e Njeriut, Dunja Mijatoviç bashkëndaj të njëjtin qëndrim se ky duhet të jetë viti për t’i thënë NDAL shkeljes së të drejtave të njeriut.


Me referendumin historik të 25 prillit, qytetarët shqiptarë kanë mundësinë të ndahen nga kjo epokë e errët e dhunimit të demokracisë dhe degradimit të shtetit ligjor.

PRANVERA SHQIPTARE PO VJEN!”, tha Meta.

ME TE LEXUARAT