Dosjet e ish-Sigurimit të Shtetit/ Berisha tregon lëvizjen që bëri Edi Rama

Politikë

Dosjet e ish-Sigurimit të Shtetit/ Berisha tregon lëvizjen që

sh-kryeministri Sali Berisha foli në komunikim me gazetarët në lidhje me dosjet e ish-Sigurimit të Shtetit ku theksoi se Edi Rama hoqi ligjin e lustracionit.

Ai tha se në vitin 2015 Rama mori përsipër të hartojë ligjin por duke hequr lustracionin. Berisha u ndal edhe te shpallja non grata duke theksuar se Edi Rama është i pashpresë.

.“Partia Demokratike në vitin 1996 dhe 2008 ka votuar në parlament ligjin e lustracionit sipas të cilit duhet të largoheshin nga detyrat si të zgjedhur apo në sistemin e drejtësisë të gjithë ata që kanë qenë bashkëpunëtorë të sigurimit. Ky ligj u zbatua në vitin 1996 plotësisht. U amendua një vit më vonë nga PS.

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

Nuk u anulua por u hoq lustracioni që e bëri për mua, e zhvlerësoi ligjin. Në vitin 2008 ne rikthyem të njëjtin ligj. Sepse e kishte mbajtur Gjykata Kushtetuese e Shqipërisë.

Kishte një miratim ndërkombëtar në kuptimin që për herë të parë e kishte hartuar presidenti i Çekosllovakisë. Në vitin 2008 u rikthyem përsëri te ai ligj.

Ne e votuam por në mënyrë të padrejtë e anuloi Gjykata Kushtetuese duke pasur 5 anëtarë të saj në konflikt interesi. E autorizoi dhe Gjykata Kushtetuese. Edi Rama ishte ai që paditi ligjin. Ky ligj i njeh të drejtën çdo qytetari shqiptar të njihet me dosjen e tij.

Secili, ka apo nuk ka dosje kishte të drejtë të kërkonte të njihej me të. Në këtë aspekt ligji ishte një transparencë të plotë.

Nuk ishte asnjë dokument të paklasifikueshëm. Ligji u anulua dhe në vitin 2015 Edi Rama mori përsipër të hartojë ligjin por pa lustracionin. Pak a shumë nuk mund të mohohet. Zgjodhi modelin gjerman. Modeli gjerman nuk ka lustracionin.

Unë kam takuar drejtuesen e këtij institucioni. PD ka qenë, është dhe do mbetet nismëtare për çdo formë lustracioni. Ne jemi që çdo qytetar të ketë të drejtë të njihet me dosjen e tij. Çdo kush tjetër përveç atij.

Nuk ka askush të drejtë të merret më shumë me dikë se parashikon ligjin. Sa u përket non gratave, Europa ka ligjet e veta. Unë nuk kam asnjë lloj impresioni nga ajo. Edi Rama është i pashpresë”, u shpreh Berisha.

 

ME TE LEXUARAT