Berisha dhe Gazmend Bardhi mbledhin deputetët në Kukës, fshesë në grupin e Whatsaap të Bashës

Deputetët demokratë që mbështesin ish-kryeministri Sali Berisha dhe Gazment Bardhit do të mbajnë takimin e radhës mes tyre të martën.

Takimi do të mbahet në qytetin e Kukësit, në kuadër të fushatës zgjedhore për zgjedhjet që do të përsëriten në këtë bashki.

Pritet që tryeza e deputetëve të opozitës të zhvillohet në orën 12:00, ndërsa vendi nuk është caktuar ende.

Ish-deputeti i PD, Endri Hasa (mbështetes i Bashës) ka fshire sot nga grupi në WhatsApp, i Grupit Parlamentar të PD, njoftimin e Gazment Bardhit, i cili lajmëronte që takimi i radhës i deputetëve do të ishte të martën në orën 12.00.

Megjithatë duke pasur parasysh zhvillimet e fundit, ku Lulzim Basha njeh Flutura Açkën si Kryetaren e Grupit Parlamentar, kjo ka sjelle veprimin e Kryetarit Basha, i cili përmes Hasës, ka fshirë njoftimin dhe ka hequr nga grupi Bardhin, ndërsa janë larguar nga grupi edhe disa deputetë.

Veprimi i Lulzim Bashës, vetëm sa ka nxitur deputetët e tjerë të largohen më pas nga ky grup, duke refuzuar këtë metodë veprimi në grupin parlamentar.

Deputetët e pyetur nga News24 e kanë konsideruar këtë një veprim qesharak dhe pa asnjë efekt, sa kohë ato mund të krijojnë sa grupe të duan për të komunikuar me njëri tjetrin./bw