Basha: Nuk kam dalë për takime në bazë për të shmangur përplasjen mes demokratëve
Kreu i PD Lulzim Basha ka bere sot në një takim me anëtarët e degës numër 8 në Tiranë, ku ka komentuar situatën e brendshme, por edhe aferat që sipas tij ka kryer gjatë gjithë këtyre viteve qeveria që drejtohet nga Edi Rama.
Basha ka përsëritur akuzat e tij ndaj Berishës, që ky i fundit kërkon që të fundosë PD për interesat e tij personale.
“Pyetja që bënin njerëzit përpara pse s’del dhe ti, besoj e ka marrë përgjigjen. A mund t’i falja unë Edi Ramës kënaqësinë e një përplasje me demokratët si ajo që u përpoq të bënte Sali Berisha me ata pak njerëz që për karrigen e tyre janë gati të djegin Shqipërinë me datë 8 janar?”, ishte mes të tjerave pyetja e Bashës.