Bardhi pranon se nuk ka bërë kallëzim ndaj Olsi Ramës në SPAK, zbulon arsyen

Kreu i grupit parlamentar të Partisë Demokratike, Gazment Bardhi pranon se nuk ka bërë kallëzim në SPAK ndaj vëllait të kryeministrit Edi Rama, Olsi Rama, duke theksuar megjithatë se më 29 mars, i ka dërguar informacion Prokurorisë së Posaçme me qëllim rihapjen e procedimit penal 335/1.

Reagimi i plotë:

 Nuk është padituri por dashakeqësi si mënyra me e mirë për të vrarë opozitarizmin.  Në datë  29.03.2024, Gazment Bardhi, i ka derguar Informacion SPAK, për fillimin e hetimeve ndaj shtetasit Olsi Rama me qellim rihapjen e procedimit penal 335/1. Pra dosja ekziston dhe provat janë në prokurori. 

Nuk regjistrohet kallëzim i ri në regjistrin e veprave penale, por merret vendim për heqjen e pezullimit ndaj procedimit 335/1 që ekziston. Këtë e kupton kushdo që do të kuptojë dhe qëllimin nuk e ka tjetër, mbrojtjen e Edi dhe Olsi Ramës!