Balla apel Policisë dhe Prokurorisë: Të forcojmë luftën kundër drogës

Ministri i Brendshëm, Taulant Balla bëri një apel të fortë për Policinë dhe Prokurorinë, që të forcojnë luftën kundër drogës e shpërndarësve të lëndëve narkotike pranë ambienteve shkollore.

“Çdo ditë, pranë çdo shkolle, Policia e Shtetit është vigjilente për të ndjekur këmba-këmbës dhe ndaluar keqbërësit/shpërndarësit e lëndëve narkotike.

Tre persona janë arrestuar ditën e sotme në Fier dhe Berat për shpërndarje lëndësh narkotike pranë shkollave”, u shpreh Balla në një postim në rrjetet sociale.

Policia e Shtetit njoftoi se në kuadër të megaoperacionit “Tempulli”, si rezultat i patrullimeve dhe informacioneve u goditën 2 raste të shpërndarjes së lëndëve narkotike, në afërsi të shkollave.