A do jetë kandidat për kryeministër?/ Përgjigjet Gazment Bardhi

Kreu i Grupit Parlamentar të PD-së, Gazment Bardhi u pyet mbrëmjen e sotme nëse e shikon veten si kandidat për kryeministër në zgjedhjet e vitit 2025.

Bardhi tha se nuk e ka menduar ndonjëherë një gjë të tillë dhe nuk e shikon veten si kandidat.

Ai deklaroi se kandidatura për kryeministrin do të zgjidhet nga strukturat e partisë.

“Nuk e shikoj, s’e kam menduar. Nuk është çështje dëshirash apo mendimesh personale. Këtë duhet ta vendosin me shumë përgjegjshmëri strukturat e partisë”, theksoi kreu i Grupit Parlamentar të PD-së.