Vrau gruan dhe shkoi të pinte kafe, 'zbërthehet' i moshuari: Më tradhtoi dhe e qëllova

Ka dalë para Gjykatës, autori i dyshuar i vrasjes së 43-vjeçares në Greqi. 71-vjeçari i cili u arrestua në Keratsini nga efektivët e Drejtorisë së Sigurisë së Pireut, pasditen e së martës, ka rrëfyer vrasjen e partneres së tij 43-vjeçare në Salaminë.

 Siç ka thënë ai në polici, ka vrarë 43-vjeçaren për shkak të xhelozisë. “Ajo kishte një lidhje me dikë tjetër. E mora vesh, u çmenda dhe vendosa ta vrisja”, mësohet të ketë thënë ai në polici.

Kur u pyet pse ai nuk zgjodhi ta linte në vend që të kryente vrasje, burri u përgjigj ” pse duhet ta lë atë ?”

 Një element shtesë që vërteton se sa i pamëshirshëm ishte 71-vjeçari që qëlloi dhe vrau partneren e tij 43-vjeçare në Salamis mëngjesin e së martës ka dalë në dritë.

 Sipas videos, pak pas vrasjes , 71-vjeçari ka shkuar për kafe me miqtë e tij!

 Që në momentin e parë të arrestimit, 71-vjeçari, i cili është shofer autobusi shkolle dhe ka qenë në lidhje me viktimën prej shtatë vitesh, nuk ka shfaqur asnjë gjurmë pendimi për aktin e tij të rëndë.