Video e re e atentatit ndaj Trump: Qytetarët e panë 20-vjeçarin të pozicionohej për të qëlluar 

Një video e re e momenteve para atentatit ndaj Donald Trump ka dalë në dritë, duke ngritur pikëpyetje të reja në lidhje me boshllëqet e sigurisë që lejuan të ndodhte incidenti.

Në video shihet se qytetarët kanë parë 20-vjeçarin Thomas Matthew Crooks teksa është ngjitur në çatinë nga ku ka qëlluar drejt ish-presidentit amerikan.

“Ai po ngjitet në çati, e shihni? A është shtrirë?”, “ta shohim, është shtrirë” dëgjohen të thonë qytetarët. “Policia këtu, është dikush në çati”, bërtet dikush me uniformë.

Sipas Associated Press, një oficer i policisë lokale u ngjit në çati dhe pa Crooks që i drejtoi pushkën. Më pas, sipas të njëjtave burime, oficeri u tërhoq dhed Crooks qëlloi në sekondat e ardhshme drejt Trump.

Në të njëjtën kohë, një përfaqësues i Shërbimit Sekret që foli për New York Times fajësoi policinë lokale për të shtënat. Sipas Anthony Giulemi, 20-vjeçari ishte jashtë perimetrit i ruajtur nga agjentët e Shërbimit Sekret.

Sipas tij, Shërbimi Sekret ishte përgjegjës për sigurinë në vendin e tubimit të Trump, ndërsa policia lokale në Pensilvani kishte për detyrë të siguronte zonën jashtë vendit.

Megjithatë, sipas New York Post, banorët vendas thanë se ata nuk u vizituan nga askush me uniformë as para dhe as gjatë tubimit të Trump.