Vajza humb jetën në operacion, 50 familjarë sulmojnë mjekët në Itali

Familjarët e një VAJZE 23-vjeçare që ndërroi jetë në spital në Itali sulmuan mjekët, pasi e afërmja e tyre nuk arriti t’i mbijetojë operacionit kirurgjikal.

Sipas mediave rreth 50 persona, të afërm e miq të së ndjerës, filluan të dhunojnë mjekët me grushte dhe shqelma, duke i detyruar ata të izolohen në një dhomë, në pamje që janë bërë virale.

Një kirurg u godit disa herë me grusht në fytyrë, duke pësuar plagë dhe mavijosje, ndërsa një mjek tjetër thuhet se ka thyer dorën.

E reja ishte mbajtur nën mbikëqyrjen intensive të mjekëve që nga muaji qershor, pas një aksidenti automobilistik.