Temperatura përvëluese në Mekë! Termometri shënon 51.8 gradë

Bota

Temperatura përvëluese në Mekë! Termometri shënon 51.8

Numri i pelegrinëve që kanë humbur jetën gjatë Haxhit ka tejkaluar 1000, si pasojë e të nxehtit përvëlues në Mekë.

58 persona nga Egjipti vdiqën këtë të enjte, sipas një diplomati arab, i cili tha se nga 658 egjiptianët që kanë ndërruar jetë, 630 ishin pelegrinë të paregjistruar.

Rreth 10 vende kanë raportuar 1.081 vdekje gjatë pelegrinazhit. Qendra kombëtare meteorologjike raportoi një temperaturë maksimale prej 51.8 gradë Celsius këtë javë në Xhaminë e Madhe në Mekë, ndërkohë që zyrtarët sauditë i kanë këshilluar pelegrinët të përdorin çadra, të pinin shumë ujë dhe të shmangin ekspozimin në diell gjatë orëve më të nxehta të ditës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Rreth 1.8 milionë pelegrinë morën pjesë në Haxh këtë vit, 1.6 milionë prej tyre nga jashtë vendit, sipas autoriteteve saudite. Haxhi është një nga pesë shtyllat e Islamit dhe të gjithë myslimanët me mjetet duhet ta kryejnë të paktën një herë.

Por shumë nga ritualet e Haxhit, duke përfshirë lutjet në malin Arafat që u zhvilluan të shtunën, përfshijnë qëndrimin jashtë për orë të tëra gjatë ditës./tch

ME TE LEXUARAT