Skenari “apokaliptik”: Ja shtetet që do të zhduken në Evropë nëse shpërthen termocentrali më i madh në Ukrainë

Bota

Skenari “apokaliptik”: Ja shtetet që do të zhduken në

Retë’ e tensioneve sa vijnë edhe shtohen në termocentralin bërthamor të Zaporozhye, reaktori më i madh bërthamor në Evropë.

Shkencëtarët kanë ngritur alarmin se një "katastrofë bërthamore" mund të përfshijë shumë vende të Evropës dhe më gjerë.

Përfaqësuesit e Institutit Hidrometeorologjik të Ukrainës simuluan përhapjen e rrezatimit që do të ndodhte pas një fatkeqësie bërthamore në termocentral, ku sipas tyre të rrezikuar janë edhe serbë, ‘aleatët’ besnik të Vladimir Putin.

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

Shkencëtarët kanë zbuluar se për shkak të kushteve të motit të ditëve të fundit, ndotësit radioaktivë mund të arrijnë deri në Detin Baltik në veri, duke prekur Estoninë, Letoninë, Lituaninë dhe Poloninë gjatë rrugës, si dhe Bjellorusinë.

Në perëndim, ndotësit radioaktivë do të hynin në Moldavi, Rumani, Sllovaki, Hungari, Republikën Çeke dhe Serbi. Ata shprehen se kjo gjë do kishte pasoja shkatërrimtare dhe do të zgjaste me vite.

Paralajmërimi për "katastrofë bërthamore"

Në fillim të pushtimit të vendit fqinj, Rusia pushtoi termocentralin bërthamor në Çernobil dhe më 4 mars pushtoi edhe termocentralin në Zaporozhye, duke krijuar rrezikun e një fatkeqësie rrezatimi.

Agjencia Ndërkombëtare e Energjisë Atomike (IAEA) ka ngritur alarmin për bombardimet e fundit rreth termocentralit bërthamor të Zaporozhye, duke thënë se situata aktuale paraqet një rrezik të lartë dhe mund të çojë në një "katastrofë bërthamore".

Si Rusia, ashtu edhe Ukraina akuzojnë njëra-tjetrën për sulmimin e termocentralit dhe për "terrorizëm bërthamor", dhe IAEA ka bërë thirrje për "përmbajtje maksimale" mbi vendndodhjen.

Rafael MarianoGrossi, drejtori i përgjithshëm i IAEA, e përshkroi situatën si "plotësisht jashtë kontrollit" në një intervistë me AssociatedPress javën e kaluar.“Në termocentral është shkelur çdo parim i sigurisë bërthamore.

Është jashtëzakonisht serioze dhe jashtëzakonisht e rrezikshme”, paralajmëroiGrossi.Nëse bërthama e reaktorit shpërthen, për ekspertët shqetësues është fakti se mund të dëmtohen sistemet që ftohin rezervuarin e karburantit të shpenzuar dhe reaktorët.

Nëse ftohja dështon, mund të çojë në akumulim të pakontrolluar të nxehtësisë, shkrirje dhe zjarre që mund të çlirojnë rrezatim nga strukturat e kontrollit. “Kemi më së shumti frikë nga lëshimi i rrezatimit, jo domosdoshmërisht nga një shpërthim. Lëshimi i rrezatimit do të ishte katastrofik në çdo rast.

Është e paparashikueshme. Ne nuk e dimë se ku do të shkonte vargu që përmban materialin radioaktiv. Me të vërtetë mund të shkojë kudo, në varësi të kushteve të motit”,  tha AmelieStotzel nga Departamenti i Studimeve të Luftës në King'sCollege në Londër.

Pasojat për vitet në vijim

Për shkak të vendndodhjes gjeografike të uzinës, lëshimi i rrezatimit mund të godasë çdo pjesë të kontinentit evropian. Nëse do të kishte një rrjedhje rrezatimi, ekspertët thonë se ndoshta mund të shohim evakuime të shkaktuara nga një re radioaktive e padukshme.

Megjithatë, ndikimi i rrjedhjes së rrezatimit ka të ngjarë të ndihet për vitet në vijim. “Ndoshta do të shihni qindra mijëra njerëz që përpiqen të ikin nga zona. Do të ketë një re, por ju nuk do të mund ta shihni atë.

Ne jemi në gjendje të monitorojmë renë sepse kemi instrumente të ndjeshme që matin nivelet e rrezatimit”, u shprehRamana, profesor në Shkollën e Politikave Publike dhe Çështjeve Globale në Universitetin e Kolumbisë Britanike, tha për Al Jazeera.

Disa nga sëmundjet që mund të shohim pas shpërthimit mund të jenë helmimi akut nga rrezatimi ose kanceri që mund të ndodhë më vonë.

“Kështu, për shembull, në Çernobil, njerëzit që hynë në reaktor për të shuar zjarrin u ekspozuan ndaj një sasie të madhe rrezatimi dhe pësuan pasoja brenda pak orësh - tha RossPeel, menaxher i kërkimit dhe transferimit të njohurive shkencore dhe studimet e sigurisë në King's College në Londër.

ME TE LEXUARAT