Sherr në gjendje të dehur, plagoset me thikë i riu shqiptar në Itali, në kërkim autori

Një 35-vjeçar me origjinë shqiptare, u gjet i plagosur mbrëmjen e kaluar në Suzzara të Italisë. Mësohet se i riu është plagosur me thikë, pas një debati për motive të dobëta.

Ka qenë një banor i zonës, i cili ka vënë re 35-vjeçarin të plagosur në rrugë dhe më pas ka njoftuar policinë.

Burri i plagosur në shpatull, dyshohet se ishte në gjendje të dehur kur ka ndodhur ngjarja, ndërsa fatmirësisht ndodhet jashtë rrezikut për jetën. Policia po heton për identifikimin e autorit të ngjarjes.