Rekord, e groposur në rërë, sekuestrohet mbi 2.8 ton kokainë në Karaibe

Bota

Rekord, e groposur në rërë, sekuestrohet mbi 2.8 ton kokainë

Forcat e armatosura të Hondurasit kanë konfiskuar më shumë se 2.8 ton kokainë, të cilën e gjetën në dy varka të vogla në një plazh në bregdetin e Karaibeve.

“Fillimisht u sekuestruan 2760 pako droge, me peshë një kilogram secila”, sqaroi përfaqësuesi i Forcave të Armatosura, Santos Nolasco.

Një pjesë e drogës u gjet e groposur në një plazh dhe hetimet po vazhdojnë në zonë për të përcaktuar nëse ka sasi të tjera. Në total u gjetën 2835 pako. E gjithë lënda narkotike u transportua në kryeqytet dhe në departamentin e Gratias a Dios, ndërsa hetimet vazhdojnë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Që nga vitet 1970, Hondurasi ka qenë pjesë e rrugëve të transportit të kokainës nga Amerika Latine ku prodhohet për tregun e SHBA-së. Presidenti i Hondurasit Xiomara Castro, i cili mori detyrën në janar 2022, është zotuar se do të godasë kriminalitetin dhe tregtinë e drogës.

Paraardhësi i saj, Juan Orlando Hernandez, u ekstradua dhe u burgos në SHBA menjëherë pasi la detyrën.

Më 8 mars, një juri në gjykatën federale të Nju Jorkut e shpalli atë fajtor, për favorizim në importin e më shumë se 500 tonëve kokainë në Shtetet e Bashkuara nga viti 2004 deri në vitin 2022.

Ai planifikohet të dënohet më 26 qershor dhe me shumë gjasë e pret burgu përjetshëm.

 

ME TE LEXUARAT