Më shumë se dy milionë njerëz kanë vdekur nga Covid-19 në Europë

Bota

Më shumë se dy milionë njerëz kanë vdekur nga Covid-19

Më shumë se dy milionë njerëz në Evropë në 53 vende anëtare të Organizatës Botërore të Shëndetësisë kanë vdekur si pasojë e infeksionit me koronavirus, njoftoi organizata të enjten.

Rajoni Evropian i OBSH-së shtrihet nga Grenlanda në brigjet ruse të Paqësorit dhe përfshin vendet e Azisë Qendrore si dhe Turqinë. OBSH e quajti numrin “shkatërrues”, por tha se ky numër ishte ndoshta vetëm një pjesë e vdekjeve të shkaktuara drejtpërdrejt nga Covid-19 dhe efektet indirekte të pandemisë gjatë dy viteve.

Megjithëse numri i rasteve të reja të infektuara është në rënie, ai është ende shumë i lartë, njoftoi të enjten zyra rajonale e OBSH-së në Kopenhagë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Koronavirusi është “ende një virus vrasës, veçanërisht për njerëzit e pavaksinuar dhe klinikisht të cenueshëm”, thuhet në deklaratë.

Sipas agjencisë Reuters, Shtetet e Bashkuara deri më tani kanë regjistruar më shumë se një milion vdekje nga COVID-19, që është një numër dikur i paimagjinueshëm i tejkaluar dy vjet pas shfaqjes së kësaj sëmundjeje në Shtetet e Bashkuara.

Me 6.7 milionë vdekje të konfirmuara në botë, nuk ka shumë vende në planet që nuk janë shkatërruar nga kjo sëmundje.

Sipas Organizatës Botërore të Shëndetësisë, numri aktual i viktimave – përfshirë ata që vdiqën nga komplikimet e COVID-19 si dhe ata që vdiqën nga pasojat indirekte të shpërthimit të pandemisë – është ndoshta më afër 15 milionë.

Megjithëse bota deri më tani ka filluar kryesisht të kthehet në “normalitetin e vjetër”, shkencëtarët tashmë po punojnë për një dozë të re përforcuese sepse virusi vazhdon të ndryshojë.

“Assesi nuk ka mbaruar,” tha Anthony Fauci, këshilltari kryesor mjekësor i presidentit amerikan Joe Biden.

ME TE LEXUARAT