I dënuar për grabitje, shqiptari rikthehet në Itali por s'e shijon gjatë lirinë

Bota

I dënuar për grabitje, shqiptari rikthehet në Itali por s'e

Një 31-vjeçar i futur në mënyrë ilegale në Itali është arrestuar nga policia.

Ngjarja ka ndodhur pasditen e djeshme (17 janar) në Potenza Picena ku karabinierët e Kompanisë së Civitanova e kishin ndaluar për kontroll. 

Nga hetimet e kryera rezultoi se i riu, dhjetë vite më parë, kishte marrë pjesë në një grabitje të kryer në Monte San Giusto. 

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

I riu në atë kohë u arrestua menjëherë dhe u dënua me tre vjet e katër muaj.

Ai kreu pothuajse të gjithë dënimin, më pas në mars 2017, Zyra e Mbikëqyrjes së Ankonës vendosi ndaj tij masën e sigurisë dëbim si sanksion alternativ ndaj paraburgimit. 

Më pas u kthye në Shqipëri dhe që nga ai moment nuk mund të kthehej në Itali për 10 vjet.

Kjo nuk ndodhi dhe ditën e djeshme i janë vënë prangat dhe janë hapur dyert e burgut të Fermos. 

Mëngjesin e sotëm 31-vjeçari është sjellë në gjykatën e Maceratës për gjykim të drejtpërdrejtë. 

I mbrojtur nga avokatja M. M, sot i riu ka shfrytëzuar të drejtën për të mos u përgjigjur. 

Gjyqtari ka vërtetuar arrestin, më pas për masën ka refuzuar kërkesën e prokurorit (kishte kërkuar arrest shtëpie) dhe e la të lirë 31-vjeçarin. 

Për gjyqtarin nuk do të kishte nevoja paraprake pasi i vetmi precedent ndaj shqiptarit (grabitja) daton rreth dhjetë vjet më parë. 

Seanca u shty për 2 shkurtin e ardhshëm.

ME TE LEXUARAT