Helikopteri ushtarak rus rrëzohet në Krimenë e pushtuar

Zëdhënësi i Forcave Detare të Ukrainës, Dmytro Pletenchuk, njoftoi në ‘Facebook’ se një helikopter rus – Ka-27 – u rrëzua në Krimenë e pushtuar, siç raporton Ukrainska Pravda.

Pletenchuk nuk dha detaje të mëtejshme, të tilla si arma e përdorur apo vendndodhjen e saktë të operacionit.

Më parë, ministria ruse e Mbrojtjes kishte njoftuar se një nga helikopterët e saj ushtarak – një Mi-24 – u rrëzua mëngjesin e sotëm në brigjet perëndimore të Krimesë, ndërsa citoi se mund të ishte për shkak të një dështimi mekanik.