“Donte të hakmerrej me shefat”, ish-punonjësi sulmoi me armë kompaninë, flasin dëshmitarët

Të frikshme janë dëshmitë e qytetarëve pas masakrës në një kompani transporti në rrugën Artemisiou në Athinë, ku një person qëlloi disa herë duke vrarë tre persona dhe më pas veten. 

Punonjësit e kompanisë kanë përshkruar momentin për protothema.gr kur ish-punonjësi egjiptian i kompanisë hyri në zyrat në rrugën Artemisiou dhe sulmoi “shefat”, siç thonë ata.

Një nga punonjësit thotë se “ishim në zyrat tona dhe dëgjuam të shtëna, nuk e dinim se çfarë ndodhi. Bëhet fjalë për një punonjës të vjetër të kompanisë, me origjinë egjiptiane, i cili është shkarkuar prej kohësh. Mesa duket ka dashur të hakmerret me shefat. Ai u bërtiste të gjithëve që të largoheshin. Ai nuk donte të godiste asnjë prej nesh. Vetëm shefat. Pra, synonte ata. Ai qëlloi dy shefat dhe një punonjës që iu afrua duke u përpjekur ta qetësonte . Ai hyri me një karabinë me tytë të shkurtër dhe një revole. Kur hyri në kompani nuk e kishte nxjerrë armën, mbante një thes. Unë isha në dyshemenë time, duke u fshehur nën tavolinën time derisa policët hynë dhe na nxorën të gjithëve jashtë.

Një tjetër punonjës i kompanisë tha: Isha në katin e parë, gjithçka që ndodhi ishte në katin e dytë. Dëgjova dy të shtënat e para, shkova në shkallë dhe pashë dy djem që zbrisnin dhe thoshin “është Aris me armë dhe po qëllon!”. E pashë të hynte në kompani sepse jam afër hyrjes. Unë e njoh makinën sepse ne të dy jemi punonjës për një kohë të gjatë këtu. E di që është në pension, nuk e di nëse është shkarkuar”.

E pushuan nga puna, ish-punonjësi vret CEO-n e kompanisë greke, dy punonjës dhe veten

Sulm me armë në një kompani detare në Glifadha të Athinës.

Një person i armatosur ka hyrë në një kompani detare pak pas orës 10:00 sipas orës lokale dhe ka hapur zjarr ndaj punonjësve të kompanisë.

Personi që shkaktoi masakrën duket se është një ish punonjës i kompanisë i cili është pushuar para pak kohësh nga detyra e tij në të njëjtën kompani.

Autori qëndron i armatosur në katin e dytë të godinës që sulmoi, ndërsa zona është rrethuar nga forca të shumta policore.

Personi i dyshuar për sulmin besohet se është një 70-vjeçar egjiptian. 

Tre punonjës dhe vetë autori mbetën të vdekur nga masakra në një kompani detare në Athinë.

Autori 70-vjeçar i sulmit  kreu vetëvrasje, pasi kuptoi se ishte rrethuar nga policia. Ai hyri në kompani pak pas orës 10:00 sipas orës lokale dhe hapi zjarr ndaj punonjësve.

Autori i krimit kishte me vete karabinë dhe një pistoletë gjatë sulmit, ndërkaq mes viktimave është CEO-n e kompanisë, e cila ishte motra e presidentit të firmës, një nga drejtorët dhe një punonjës.