Drejtoresha e shkollës kafshon djalin autik se i shkuli flokët, e ëma padit shkollën

Bota

Drejtoresha e shkollës kafshon djalin autik se i shkuli flokët, e

Një ngjarje e pabesueshme ka ndodhur në shkollën për fëmijë me aftësi të kufizuara në Artë, Greqi.

Mediat greke kanë shkruar drejtoresha e shkollës ka kafshuar një djalë autik pasi ky i fundit i ka shkulur flokët.

Nëna e djalit ka ngritur në padi ndaj shkollës, ku thotë se drejtoresha e ka pranuar vetë se e ka kafshuar djalin autik,

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

Nëna e fëmijës në denoncimin e saj shprehet:

Të martën e kaluar, kur shkova ta marr fëmijën tim nga shkolla, u habita kur pashë se ai kishte gërvishtje në pjesën e pasme të veshit të djathtë dhe në kyçet e dorës. E pyeta mësuesen e djalit tim se çfarë ndodhi, pasi fëmija im nuk kishte asnjë lëndim kur doli nga shtëpia jonë në mëngjes.

Mësuesja u përgjigj se lëndimet janë shkaktuar kur ajo bashkë me drejtoreshën po tentonin të largonin fëmijën nga drejtoresha, pasi ky i fundit e ka kapur prej flokësh.

Habia ime vazhdoi kur mbërrita në shtëpinë tonë, ndërrova rrobat e djalit tim dhe shkova për ta larë, ku aty duke i hequr uniformën, i pashë një mavijosje të madhe në mes të këmbës dhe aty mund të shiheshin shenjat e dhëmbëve.

Kjo më bëri të kuptoj menjëherë se dikush e kishte kafshuar fort djalin tim. Djali im është një fëmijë autik dhe të flasësh me të për të shpjeguar atë që i ka ndodhur nuk është e lehtë. Më pas kontaktova një mësuese shkolle, duke e pyetur nëse dinte ndonjë gjë për incidentin.

Ajo u përgjigj se nuk dinte asgjë, por do të njoftonte drejtorin e shkollës që të më kontaktonte. Dhe vërtet, drejtoresha më kontaktoi menjëherë, ku më pranoi vetë, pa pasur kohë ta pyesja se më kishte kafshuar djalin, për ta hequr se po i tërhiqte flokët.

Nëna kërkon që drejtoresha të marrë përgjegjësinë për atë që i ka ndodhur djalit të saj.

ME TE LEXUARAT