Aksident i frikshëm, dy fëmijë “fluturojnë” nga dritarja e makinës

Një aksident i frikshëm ka ndodhur në një autostradë në Teksas, teksa dy mjete u përplasën me njëra-tjetrën.

Pamjet që janë bërë virale në rrjet, tregojnë momentin ku dy fëmijë të vegjël, ndodhen në mes të rrugës, pasi kanë dalë nga mjetet e përfshira në aksident.

Sipas mediave të huaja, dy mjetet u përplasën në autostradën lindore Interstate 10 në Freeport, dhe një prej tyre u përmbys.

Një grua dhe dy fëmijët e vegjël, kanë shpëtuar mrekullisht ndërsa kanë ‘fluturuar’ nga makina që u përmbys.

Nga aksidenti nuk janë raportuar të lënduar, ndërsa autoritet kanë nisur hetimet për përcaktimin e shkaqeve.