U plagos në aksident në Pogradec, turistja italiane niset me helikopter drejt Tiranës  

Një aksident është regjistruar në Pogradec, ku e lënduar mbeti një shtetase italiane.

Në aksidentin e ndodhur në aksin nacional Pogradec-Lin, mësohet se janë përfshirë një kamionçinë dhe një motomjet.

E plagosura fillimisht u dërgua në spitalin e Pogradecit dhe tani mësohet se është nisur me helikopter drejt Tiranës, për trajtim më të specializuar.

Ndërkohë Policia po vijon punën për zbardhjen e plotë të rrethanave të aksidentit.