U prangos në Angli me urdhër të SPAK, kush është Edison Muceku dhe për cfarë kërkohej

34-vjeçari Edison Muceku, i cili u arrestua ditën e sotme në Manchester ishte shpallur në kërkim ndërkombëtar nga autoritetet shqiptare, për një sërë veprash penale.

Emri i Mucekut rezulton në listën e 50 personave ndaj të cilëve SPAK lëshoi urdhëarreste, në kuadër të operacionit “Metamorfoza 3”.

Megaoperacioni i drejtuar nga SPAK dhe i dakortësuar me Europol në Maj të vitit të shkuar zgjati për rreth 20 orë, ku u angazhuan afërsisht 30 hetues të BKH-së, forcat RENEA, Policia e Shtetit, si dhe Europol i cili caktoi një Oficer pranë SPAK për të mbështetur këtë operacion.

Per kete procedim penal u kryen hetime në qytetet e Tiranës, Durrësit, Vlorës, Shkodrës, Lezhës, Rrëshenit, Kurbinit, Fushë-Krujës dhe Krujës.

Muceku, i njohur ndryshe edhe si ushtari i Hektor Xheçukë, grupi kriminal i të cilit është përfshirë në eliminimin e Hamza Terziut, ishte shpallur në kërkim ndërkombëtar nga autoritetet shqiptare.

Ai akuzohet si bashke autor në tentativën e vrasjes që ndodhi në Bulqizë më 21 maj të vitit 2020, ndaj Hamza Tërziut.

Për këtë ngjarje të zbardhur pas zbërthimit të bisedave në aplikacionin Sky ECC, Gjykata e Posaçme lëshoi disa urdhër-arreste për shtetasit: Hektor Xhecuka, Albert Zaja, Edison Muceku, Tori Xheçuka, Florenc Kelmendi dhe Ardit Gjokrosa.