Spartak Ngjela sqaron deklaratën e bujshme: Femra kur përdhunohet fillon dhe ndjen kënaqësi

I ftuar në podkastin “Flet” këtë të diel, në Top Channel dhe Top Albania Radio, ka qenë avokati i njohur, Spartak Ngjela. Në këtë rrëfim ndryshe nga sa ne e njohim, ndër të tjera ai u pyet për deklaratat e tij pikante në daljet e ndryshme televizive.

Mes shumë deklaratave që avokati ka shprehur kohëve të shkuara në daljet publike, moderatorja veçoi njërën, e cila është sa e dëmshme psikologjikisht në shoqëri, por edhe aktuale.

Pjesë nga intervista:

Ilnisa Agolli: Është një deklaratë e juaja ku keni thënë: “Femra kur përdhunohet pas një momenti të caktuar përgjatë aktit, fillon dhe ndjen kënaqësi”.

Spartak Ngjela: Jo nuk e kam thënë kështu. Dëgjo me vëmendje; Përdhunim do të thotë vetëm vullnet. Në qoftë se ajo nuk ka dhënë vullnetin “po”-në dhe ti e përdhunon, ajo vjen një moment i caktuar që dhe mund të ndiejë kënaqësi. Por, sa e mbaron shkon dhe denoncon. Sepse kënaqësia është instikt, nuk është logjik. Vullneti është morali, unë e kam nga profesioni.