Konflikt në berberhane, i riu plagoset me thikë në Pogradec

Një sherr ka ndodhur mbrëmjen e së shtunës në Pogradec në një berberanë në lagjen Numër. 2 të qytetit pranë zonës e njohur si Rruga Rinia.

Një shtetas me inicialet S. S, është shpallur në kërkim. Sipas deklaratës së policisë, i riu ka goditur me mjet prerës një tjetër të ri i cili ka qenë duke u qethur tek berberi.

Sipas të dhënave fillimisht konflikti ka nisur me fjalë më pas agresori ka përdorur mjet prerës thikë duke plagosur 23 vjeçarin N. A i cili u transportua në spitalin e Pogradecit me fraktura në kokë, krahë dhe njërën dorë, për momentin ndodhet nën kujdesin e mjekve.

Fill pas goditjes agresori është larguar me makinë dhe policia është ende duke e kërkuar.

Ndërkohë po mbrëmjen e sotme tek zona e ish-farmacisë në Pogradec ka ndodhur një tjetër konflikt mes disa personave duke u përplasur fizikisht 2 prej tyre janë shoqëruar në komisariat.