Pjesë e grupit kriminal për grabitjen e dy bankave, futet në regjimin 41 biss Neim Avdulaj

I dënuari Neim Avdulaj, i cili ka qenë pjesë e grupit kriminal për grabitjen e dy bankave është futur në regjimin 41 biss në burgun e Peqinit.

Njoftimi:

Shtetasi i dënuar Neim Avdulaj është futur në regjimin e veçuar për një 1 (një) vit pranë IEVP Peqin. Vendimi është marrë në kuadër të masave për sigurimin dhe mbajtjen nën kontroll të të dënuarve me rrezikshmëri të lartë, duke u bazuar në dënimin e tij prej 17 vite e 4 muaj burgim. “Lehtësim i qëndrimit të politikës monetare”, Guvernatori Sejko: Ulet me 0.25 pikë përqindje norma bazë e interesit

Avdulaj është dënuar nga Gjykata e Shkallës së Parë për Krimet e Rënda Tiranë, me vendim të datës 25.03.2019, i cili u la në fuqi nga Gjykata e Posaçme e Apelit për Korrupsionin dhe Krimin e Organizuar me vendimin nr. 20, datë 12.07.2021.

Ai është shpallur fajtor për veprat penale të mëposhtme:

-“Vjedhja e bankave dhe arkave të kursimit" kryer më shumë se një herë, në formën e grupit të strukturuar kriminal;
-"Mbajtje pa leje dhe prodhim i armëve, armëve shpërthyese dhe i municionit," kryer në mënyrë të përsëritur, në formën e grupit të strukturuar kriminal;
-"Pjesëmarrje në grup të strukturuar kriminal."