Nikolin Marku (Lekstakaj) banonte 300 metra larg vendit ku u vra, sapo ishte kthyer nga Londra

Ky është Nikolin Marku (Lekstakaj), i cili u ezkutua pasditen e sotme rreth orës 18:30 jashtë një marketi në Balldretë Lezhës.

Ai banonte vetëm 300 metra larg vendit ku u qëllua me breshëri plumbash. Banorët e zonës janë rrëfyer se viktima nuk njihej si person problematik dhe se angazhohej me blegtori. 

42-vjeçari Nikolin Lekstakaj, i cili u qëllua me armë sapo doli nga një market i zonës, ishte kthyer në Shqipëri para disa vitesh, pasi më parë ka jetuar në Londër. 

Vrasja në Balldre, drejtori i policisë Lezhë: Po punojmë për kapjen e autorit, mund të jetë hakmarrje

Vrasja ndodhi në prani të shitëses së marketit, ku ai kishte hyrë për të blerë një pije freskuese. 42-vjeçari i njohur me nofkën “Toli”, u qëllua për vdekje nga persona ende të pa identifikuar.

Mësohet se viktima as nuk rruhej dhe nuk i druhej një hakmarrje te mundshme nga fisi Nikulaj. Kjo pasi Nikolin Lekstakaj nuk ishte i përfshirë fare në vrasjen e Ardian Nikulajt. Por vrasja e tij lidhet vetëm me faktin se është fis i autorit të krimit.

Vrasja po hetohet për akuzën e vrasjes me paramendim për qëllime gjakmarrje dhe të dyshuar janë anëtarë të familjes Nikulaj.

“Më datë 19.07.2023, rreth orës 18:30, në Balldre, Lezhë, në rrethana ende të paqarta është vrarë me armë zjarri shtetasi Nikolin Marku (Lekstakaj), rreth 42 vjeç. Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve. 

Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve“, njofton policia e Lezhës.