Laborator kokaine brenda banesës në Fier, kush është ish-zyrtari i lartë i përfshirë në trafikun e drogës (Emri+Foto)

Detaje të reja janë mësuar në lidhje me operacionin anti-drogë të zhvilluar në fshatin Frakull i Madh të Fierit, ku u zbulua një laborator kokaine.

Burime për mediat bëjnë me dije se banesa ku u gjetën rreth 200 thasë me plehë kimik, ku dyshohet se ishte fshehur lënda narkotike, është në pronësi të ish kryetarit të Komunës së Frakullit të Madh, Viktor Çervenaku.

Operacioni u zhvillua nga SPAK në bashkëpunim me policinë malazeze dhe agjentët e DEA-s.

Sipas informacioneve paraprake bëhet me dije se ish-kryekomunari nuk ka qenë në ambientet e banesës në momentin e ndërhyrjes së policisë.

Thasët janë zbuluar në oborrin e banesës dhe janë transportuar nga kamionët e policisë së shtetit drejt ambienteve ku do të bëhet kontrolli i tyre i detajuar.