KMSH jep njoftimin e rëndësishëm për besimtarët myslimanë, ja ku do të falet Kurban Bajrami

Komuniteti Mysliman i Shqipërisë ka njoftuar ditën e sotme besimtarët myslimanë mbi ditën e faljes së namazit të Kurban Bajramit.

Nëpërmjet një njoftimi në llogarinë zyrtare në Facebook, KMSH-ja bën të ditur se falja e Kurban Bajramit do të jetë në datën 16 qershor, ditën e diele, në “Dëshmorët e Kombit”, Tiranë.

Në kushtet kur Xhamia e Namazgjasë vijon të jetë e mbyllur, e teksa Sheshi Skënderbej, po ashtu dhe sheshi Nënë Tereza janë zënë nga Bashkia e Tiranës për të kënaqur sportdashësit për Euro 2024.

Duket se duke zënë të gjitha sheshet askush nuk ka menduar për një festë të rëndësishme të kalendarit islamik, siç festa e Kurban Bajramit, duke i lënë kështu besimtarët myslimanë që të falen në rrugë.

- Hapja e programit, Ejup Lila

- Lexim Kurani nga imami i xhamisë “Et’hem Bej”, z. Elton Karaj

- Fjala përshëndetëse e Kryetarit të KMSH-së, H. Bujar Spahiu

- Ligjëratë nga nënkryetari i KMSH-së, z. Taulant Bica

- Falja e namazit të bajramit, prin Kryetari i KMSH-së, H. Bujar Spahiu

- Hutbeja e bajramit nga Myftiu i Tiranës, z. Bilal Teqja

Gjithashtu ju bëjmë me dije se pritjet tradicionale do të organizohen në selinë e KMSH-së nga ora 09:00 deri në orën 12:00.