Gjirokastër/ U kthye për pushime në vendlindje, 45 vjeçari gjendet i varur në shtëpi

Një ngjarje e rëndë raportohet të ketë ndodhur mesditën e sotme në qytetin e Gjirokastrës. Burime për media bëjnë me dije se një 45 vjeçar është gjetur i varur në shtëpinë e tij nga të afërmit.

Rasti i rëndë është shënuar në lagjen 11 Janari, ndërsa mësohet se 45 vjeçari ishte emigrantë në Greqi dhe kishte disa ditë që ishte rikthyer në vendlindje për pushime.

Shërbimet e policisë, të njoftuar nga të afërmit ndodhen në vendngjarje, ndërsa po punohet për zbardhjen e kësaj ngjarjeje të rëndë.