Fitoi 2 miliardë $ nga mashtrimi, prokuroria kërkesë në gjykatën e Elbasanit për ekstradimin e të riut turk

Aktualitet

Fitoi 2 miliardë $ nga mashtrimi, prokuroria kërkesë në

Faruk Fatih Özer, themeluesi i platformës së shkëmbimit të kriptovalutave Thodex, u arrestua në Shqipëri në datë 30 gusht. I shpallur në kërkim për mashtrim me kriptomonedha, turku jetonte ne lagjen “5 Maji”.

Prokuroria pranë Gjykatës së Shkallës së Parë Elbasan njofton se ditën e sotme ka sot depozituar në Gjykatën e Shkallës së Parë Elbasan kërkesën për ekstradimin në Turqi të shtetasit turk Faruk Fatih Ozer, i cili akuzohet për mashtrim me kriptomonedhat.

Njoftim zyrtar

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Prokuroria pranë Gjykatës së Shkallës së Parë Elbasan njofton se sot më datë 28.09.2022 ka depozituar në Gjykatën e Shkallës së Parë Elbasan kërkesën për ekstradimin në Turqi të shtetasit turk të arrestuar më datë 30.08.2022 Faruk Fatih Ozer.

Autoritetet turke të drejtësisë kanë transmetuar përmes Ministrisë së Drejtësisë materialet e plota që kanë të bëjnë me kërkesën për ekstradim në Turqi të shtetasi Faruk Fatih Ozer, në kërkim ndërkombëtar pasi Gjykata e Paqit e Shkallës së Parë Nr.7 në Stambollin Anadollian me vendimin datë 07.05.2021 ka caktuar ndaj këtij personi masën e sigurisë “Arrest në burg” për disa vepra penale të kryera në Turqi.

INFORMACION

MBI EKSTRADIMIN NGA SHQIPËRIA NË TURQI TË SHTETASIT TURK
FARUK FATIH ÖZER

Prokuroria pranë Gjykatës së Shkallës së Parë Elbasan sot më datë 28.09.2022 ka dorëzuar në Gjykatën e Shkallës së Parë Elbasan kërkesën me objekt :

1. Të lejohet ekstradimi nga Shqipëria në Turqi i shtetasit turk Faruk Fatih Özer, i biri i Zulkuf dhe Nursel, lindur në Gebze të Republikës Turke më datë 17.02.1994, i paraburgosur në I.E.V.P Nr.313, me qëllim zbatimin e masës së sigurimit “Arrest në burg” caktuar ndaj tij me vendimin nr.2021/2706 D.Is, datë 07.05.2021 të Gjykatës Penale të Paqit të Shkallës së Parë Nr.7 në Stambollin Anadollian në Turqi.

Nga aktet e administruara në kuadër të procedurës së ekstradimit rezulton se më datë 30.08.2022, ora 16.20, nga ana e Oficerëve të Policisë Gjyqësore në Drejtorinë Vendore të Policisë Elbasan, është bërë arrestimi i përkohshëm me qëllim ekstradimi i shtetasit turk: Faruk (Fatih) Özer, i biri i Zulkuf dhe Nursel, lindur në Gebze të Republikës Turke më datë 17.02.1994.

Arrestimi i tij është bërë pasi autoritetet e drejtësisë turke kanë shpallur në kërkim ndërkombëtar shtetasin e mësipërm, pasi ndaj tij autoritetet gjyqësore turke kanë caktuar masën e sigurimit “Arrest në burg”, për disa vepra penale të kryera në Turqi.
Gjykata e Shkallës së Parë Elbasan me vendimin nr.666 (13-2022-4061), datë 02.09.2022, ka vendosur :

1. Vleftësimin e ligjshëm të arrestimit provizor të shtetasit turk Faruk Fatih Özer të kryer nga oficerët e policisë gjyqësore të Drejtorisë Vendore të Policisë Elbasan më datë 30.08.2022.
2. Caktimin e masës së sigurimit personal shtrënguese “Arrest në burg”, sipas nenit 238 të K.Pr.Penale për shtetasin turk Faruk Fatih Özer, i biri i Zulkuf dhe Nursel, lindur në Gebze të Republikës Turke më datë 17.02.1994, me qëllim ekstradimi e tij në Turqi.

Më anë të “Notë Verbale” nr.34915236, datë 14.09.2022, Ambasada e Republikës së Turqisë në Tiranë i ka përcjellë Ministrisë për Europën dhe Punët e Jashtme dokumentacionin e kërkuar për ekstradimin në Turqi të shtetasit turk Faruk Fatih Özer. Nëpërmjet kësaj note verbale kërkohet finalizimi i procedurave të ekstradimit në Turqi të këtij shtetasi.

Rezulton të jetë dërguar vendimi nr.2021/2706 D.Is, datë 07.05.2021 i Gjykatës Penale të Paqit të Shkallës së Parë Nr.7 në Stambollin Anadollian në Turqi si dhe urdhër arresti i nxjerrë në zbatim të këtij vendimi gjyqësor.

Nga studimi i akteve të dërguara rezulton se ndaj shtetasit turk Faruk Fatih Özer është caktuar masa e sigurimit arrest në burg në mungesë parashikuar nga nenet 248/5 dhe 100 të K.Pr.Penale të Republikës së Turqisë dhe mbi këtë bazë është nxjerrë urdhëri i arrestit për arrestimin e personave me vendbanim të panjohur ose të arratisur jashtë shtetit.

Kjo masë sigurimi është caktuar pasi ky person dyshohet nga Prokuroria Publike e Stambollit në Turqi për kryerjen e veprave penale : “Mashtrim duke përdorur si instrument sistemete informative, bankat ose institucionet kredidhënëse” parashikuar nga neni 158/1.f të K.Penal të Republikës së Turqisë, “Mashtrim i tregtarëve, drejtuesve të shoqërive tregtare dhe drejtuesve të kooperativave” parashikuar nga neni 158/1.h të K.Penal të Republikës së Turqisë dhe “Krijim i organizatës kriminale” parashikuar nga neni 220/1 të K.Penal të Republikës së Turqisë.

Ky vendim është sjellë në origjinal. Maksimumi i dënimit të mundshëm për këto vepra është 10 vjet burgim.

Me shkresën nr.13216/1 prot., dt.14.09.2022, Ministria për Europën dhe Punët e Jashtme, Drejtoria e Çështjeve Konsullore ka transmetuar në Ministrinë e Drejtësisë aktet e sipërcituara të përcjella me notën verbale të Ambasadës së Republikës së Turqisë në Tiranë.

Me anë të shkresës nr.3090/5 prot., A/H, datë 20.09.2022 Ministri i Drejtësisë, i ka transmetuar Prokurorisë së Përgjithshme kërkesën e autoriteteve turke të drejtësisë si dhe aktet bashkëlidhur kësaj kërkese, për ekstradimin e shtetasit turk Faruk Fatih Özer.

Më datë 26.05.2021 Prokurori i Përgjithshëm Publik i Stambollit në Turqi i ka parashtruar autoriteteve tona dhe konkretisht Ministrisë së Drejtësisë të RSH kërkesën për ekstradimin në Turqi të shtetasit turk Faruk Fatih Özer.

Në zbatim të nenit 488 të K.Pr.Penale rezulton që ndaj shtetasit turk Faruk Fatih Özer ekziston një vendim për caktimin e një mase sigurimi me burgim.

Kërkesa e autoriteteve turke të drejtësisë drejtuar autoriteteve shqiptare, përmbush kërksat e parashikuara në nenin 489 të K.Pr.Penale, pasi rezulton të jetë shoqëruar me një kopje të vendimit të caktimit të masës së sigurimit me burgim, në tërësinë e akteve procedurale turke janë parashtruar detajisht veprat penale në ngarkim të personit për të cilin kërkohet ekstradimi, koha dhe vendet e kryerjes së veprave penale (përfshirë edhe të dhënat e difuzionit të Interpolit), janë përcaktuar të dhënat individuale të shtetasit turk Faruk Fatih Özer si dhe është përcjellë teksti i dispozitave ligjore të aplikuara.

Po ashtu në zbatim të kushteve të përcaktuar në nenet 490-491 të K.Pr.Penale rezulton që veprat penale për të cilat është dënuar shtetasi për të cilin kërkohet ekstradimi nuk janë të karakterit ushtarak apo politik, këto vepra penale nuk janë shuar apo ndjekja penale për to nuk është parashkruar dhe nuk ka arsye të besohet se shtetasi turk Faruk Fatih Özer do t'u nënshtrohet persekutimeve për shkak të shtetësisë, gjuhës, racës, bindjeve politike, fetare, apo trajtimeve ç'njerëzore etj në shtetin turk.

Po ashtu nuk rezulton që në Shqipëri të jetë dhënë amnisti për veprat penale për të cilat është dënuar shtetasi për të cilin kërkohet ekstradimi.

Nga ana jonë vlerësohet se duhet të lejohet ekstradimi i shtetasit turk Faruk Fatih Özer pasi është në përputhje edhe me ligjin nr.10193, datë 03.12.2009 “Për marrëdhëniet juridiksionale me autoritetet e huaja në çështjet penale”, konkretisht me kushtet dhe rregullat e përcaktuara në nenet 31-47 të tij.

ME TE LEXUARAT