''Fëmijëve nuk iu kemi thënë"/ Rrëqeth kushërira e Brigenit që u vra me gjakftohtësi nga 68-vjeçari grek

Në një lidhje telefonike për “Shqipëria Live”, kushërira e 39-vjeçarit Brigen Limka i cili u vra me armë gjaku me gjakftohtësi 68-vjeçari grek, ka dhënë të tjera detaje për ngjarjen e rëndë.

Ajo tha se i ndjeri ishte një person “i urtë dhe jo konfliktual”. Ajo tregoi se familja e tij është në gjendje emocionale shumë të rëndë, ndërsa 3 fëmijëve të tij nuk ua kanë dhënë lajmin.

“Më mori djali në telefon dhe më lajmëroi për vdekjen. E dinim që vetëm punonte në parkim, ishte i rregullt dhe me familjen atje. Banorët e lagjes e njihin autorin dhe shpreheshin që ishte problematik. Brigeni ishte djalë i urtë, djalë jokonfiktual.

Fëmijëve nuk iu kanë treguar akoma, janë shumë të vegjël. Nëna e tij, nuk kemi fjalë ta përshkruaj. Duhet ta fusnin në psikiatri, pse duhet ta lejonin dhe të prisnin derisa të vrisnin një person. Brigeni ka një vëlla”, u shpreh kushërira e viktimës, 39-vjeçarit Brigen Limka.

Brigen Limka la pas tre fëmijë dhe bashkëshorten e tij të ve.

Nga ana tjetër, vrasësi u arratis menjëherë nga vendngjarja dhe u kap pak më vonë nga policia greke. Dëshmitarët thanë se autori 68-vjeçar i cili u dorëzua në polici, njihej si person me probleme psikologjike pasi konfliktohej me banorët e zonës dhe u bërtiste atyre.

Për sa i përket shkakut të ngjarjes së rëndë, banorët e zonës deklaruan pas ngjarjes se viktima dhe autori kishin pasur konflikte. Ata bënë me dije se i moshuari pengonte shqiptarin që t’iu shërbente klientëve të parkimit me qira.