Shqiptari 39-vjeç zhduket në Bari, prej dy javësh asnjë kontakt me familjen

Një shtetas shqiptar ka humbur në Bari, Itali prej dy javësh.

Elton Çela, 39-vjeç, për herë të fundit është parë në stacionin e autobusëve që nisen drejt Shqipërisë.

Prej datës 8 prill, familjarët e tij, si ata që jetojnë në Itali, ashtu edhe në Shqipëri, kanë humbur çdo lloj kontakti me të.

Ata e kanë kërkuar kudo në zonën e Barit por nuk kanë mundur ta gjejnë. Për humbjen e tij, familjarët kanë bërë denoncim edhe në polici, por ende asnjë gjurmë prej tij.

Në këto rrethana, familjarët kërkojnë ndihmën e shqiptarëve për gjetjen e 39-vjeçarit.