Detaje nga shpërthimi/ Tritoli, në shtëpinë e autorit të vrasjes së Halil Kokës

Policia ka nxjerrë detajet e para nga shpërthimi i lëndës plasëse në një banesë në Durrës.

Blutë bëjnë me dije se tritoli është vendosur në banesën e shtetasit I. K., i cili akuzohet si autor i vrasjes së Halil Kokës.

Fatmirësisht nga shpërthimi nuk ka persona të plagosur, por vetëm dëme materiale.

Policia ndodhet në vendngjarje dhe ka nisur hetimet për zbardhjen e plotë të rrethanave të shpërthimit.

Shpërthim i fuqishëm në një banesë

“Më datë 26.02.2024, rreth orës 19:55, në lagjen nr.4, Durrës, në pjesën e jashtme të dritares së banesës së shtetasit I. K., në të cilën nuk banon njeri, është hedhur dhe ka shpërthyer një sasi e vogël lëndë plasëse duke shkaktuar vetëm dëme materiale.

Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e ngjarjes identifikim dhe kapjen e autorit/ve”, thuhet në njoftimin e policisë.