Derbi ndaj Partizanit, Tirana del me njoftim të rëndësishëm për tifozët

Tirana-Partizani është sfida e shumëpritur e futbollit shqiptar, derbi i zjarrtë mes dy klubeve rivale që luftojnë për titullin kampion. Të dielën në orën 19:00 në stadiumin ‘Air Albania’ do të luhet derbi i dytë i sezonit, i fazës së 14-të të Superiores.

Klubi bardheblu ka publikuar edhe çmimet e biletave, për të cilat tifozët po prisnin me interes. Tribuna kryesore varion në 3000 dhe 4000 lekë, ndërsa ‘karshia’ 1000 lekë. Sektorët prapa portës kushtojnë 500 lekë.

Biletat do të jenë në shitje në biletarinë e stadiumit ‘Selman Stërmasi’, ndërsa ditën e ndeshjes do të jenë në shitje edhe në biletarinë pranë ‘Air Albania’.