Artan Hoxha plas "bombën": Do të dalin emaile të tjera, janë sjellë 2 ton kokainë vetëm me një ngarkesë

Aktualitet

Artan Hoxha plas "bombën": Do të dalin emaile të tjera,

Gazetari Artan Hoxha, ka folur për emailin e DEA-s drejtuar autoriteteve shqiptare, e cila ka njoftuar se kompania Zico sha, që importon banane në markën "Banaking", trafikon kokainë. 

I ftuar në emisionin "Të Paekspozuarit", Hoxha tha se mund të ketë emaile të tjera të DEA që do të publikohet dhe deklaroi se Banaking vetëm me një ngarkesë solli 2 ton kokainë nga Ekuadori, por nuk ndodhi asgjë dhe kompania vijoi punën e pashqetësuar. 

"Hakerat iranianë përveç dëmit të jashtëzakonshëm që na kanë bërë, dalin edhe këto komunikimet me partnerët tanë strategjikë. Organizatat kriminale shqiptare paguajnë me florinj, për të ditur se cfarë informacionesh ka DEA dhe anti mafia italiane për ta.

Merr lajme ekskluzive në Viber

Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.

Padiskutim që këto komunikime, kanë provuar atë që kemi thënë këtu në janar dhe në fund të korrikut, te ky emision. Nuk di të ketë pataur studio tjetër që të jetë folur më shumë se kjo studio jote.

Kemi thënë fiks çfarë ka shkruar ai i DEA. Nuk dinim çfarë ka shkruar DEA por dinim cfarë ndodhte.

Kjo është kompania më e madhe në treg dhe ka pjesën lider të tregut, për shkak edhe të disa situatave të krijuara në Shqipëri dhe disa aksioneve të policisë së shtetit, dhe aksione të prokurorisë së Durrësit dhe SPAK, duke goditur një sërë operatorësh në treg.

Një kompanie tjetër, Alba Exotic, i kapeshin nga pjesa frigoriferike, e mbytën fare atë, janë në burg.

Në 30 dhjetor, në portin e Durrësit, skaneri konstaton se kontenierit të ardhur nga Amerika Latine i mungonin 106 arka.

Çfarë ka ndodhur?

Çuditërisht policia nuk ka patur asnjë informacion për atë lëvizje.

Policia e Shtetit njoftohet direkt, jo nga administratori apo kompania, por nga pronari në SHBA, ai njofton drejtorin. Në raste të tjera nuk ndodhi kështu.

Pasi kontakt drejtori i krimeve, i thotë do të vijmë nesër.

Policia është njoftuar që traileri që po lëvizte nga Durrësi, është grabitur në Romanatë.

Policia hyn dhe kontrollon kontenierin. Gjatë kontrollit, gjenden 7 arka me 119 kg kokainë.

Nga këtu nis historia. Këtë cështje nuk e ka SPAK as sot e kësaj dite, por prokurori i Durrësit.

Sigurisht kam kontaktuar edhe me drejtuesit e kompanisë dhe më kanë thënë që ne nuk jemi të përfshirë. I thashë në të gjithë rastet edhe kur është kapur në pjesën frigoriferike kokaina, të tjerët kanë patur tjetër standard. Në rastin tuaj është gjetur brenda arkave me banane, do të thotë është future që atje (Ekuador).

Na informacioni që ka dhënë DEA, ka dalë një email por besoj do të kemi të tjera.

DEA i qëndron linjës që ju kemi lajmëruar.

Aty nuk kanë qenë 119 kg, por 1921 kg, gati dy ton kokainë. Një ton është marrë dhe kishin mbetur këto arka. Nuk e kanë gjetur të gjithë ngarkesën dhe kanë dalë në Romanat të marrin pjesën tjetër. E kanë marrë një pjesë në Romanat. Është menduar se nuk ka më kontaminim, por u gjetën 119 kg.

Pas rastit të parë, kur po harrohej cështja, pamë një fushatë të jashtëzakonshme në media.

Kam qëlluar në emisione, kur flisja për këtë histori, atje poshte dilte brandi, reklama e Banaking.

Herë tjetër një moderator më tha shiko aty poshte se kam këtë…

Cudia më e madhe ishte gjatë ndeshjes së kombëtares. Në stadiumin Air Albania, në ndeshjen e Shqipërisë me Izraelin, shohim reklamat, zverdhet dhe ishte future reklama edhe aty.

Nuk kam parë ndonjëherë reklamë bananesh në ndeshjen e kombëtares, sepse është shumë e kushtueshme ajo reklamë.

Në Ekuador, pashë që këtu na gënjejnë duke na thënë se atje kontenierët skanohen. Në Guayaquil, takuam drejtoreshën e doganave. Pervec portit që ia kishin dhënë një koncesionari, që kishte skaner, të tjera nuk kanë.

ME TE LEXUARAT