Aksident në Devoll, makina del nga rruga, plagosen dy pasagjerët

Një aksident automobilistik ka ndodhur në rrugën Devoll-Miras. Shtetasja me inicialet A.O ka humbur kontrollin e makinës dhe për pasojë janë plagosur dy pasagjerë. Grupi hetimor po punon për sqarimin e rrethanave të aksidentit.

Njoftimi i policisë:

Devoll/Informacion paraprak

Mesditën e sotme, në aksin rrugor “Devoll-Miras”, shtetasja A. O., duke drejtuar automjetin tip “Renault”, dyshohet se ka humbur kontrollin dhe automjeti ka dalë nga rruga. Për pasojë janë dëmtuar dy pasagjerët, shtetasit E. K. dhe E. O., të cilët u dërguan në spital, për mjekim.

Grupi hetimor po punon për sqarimin e rrethanave të aksidentit.