E bujshme, Manchester United bën të mundur transferimin e portierit të Milanit

Duket se skuadra angleze e Manchester United ka arritur marrëveshjen për transferimin e portierit të Milanit, Xhanluixhi Donaruma në fund të sezonit.

“Todo Fichajes” raporton se drejtuesit e Junajtid kanë mbyllur marrëveshjen me agjentin e lojtarit, Mino Raiola, për ta afruar atë në “Old Trafford”.

Anglezët kanë vendosur të largojnë David De Gean në merkaton e verës dhe kanë vendosur që ta zëvendësojnë me portierin italian, i cili përveç të tashmes premton shumë edhe për të ardhmen.

Donaruma do të kalonte te Juanjtid me parametra zero, pasi në fund të sezonit i përfundon kontrata me Milanin.