Kjo është vitamina që mbron zemrën nga sulmet

Soft
Kjo është vitamina që mbron zemrën nga sulmet

Infarkti i miokardit është një ndër shkaqet kryesore të vdekjeve në të gjithë botën. Për këtë arsye studiues të ndryshëm po kërkojnë mundësi të reja trajtimi për të riparuar një miokard të dëmtuar.

Fatkeqësisht, pas një sulmi në zemër, nuk është e pazakontë që dëmtimi i përhershëm i indeve të miokardit të mbetet.

Hulumtimi paraklinik i botuar në Redox Biology thekson potencialin e trajtimit intensiv me α-TOH (vitaminë E) në pacientët me infarkt miokardi i cili në fund të fundit mund të çojë në një trajtim efektiv me kosto të ulët.

“Një nga antioksidantët dhe agjentët anti-inflamatorë më efektivë është vitamina E dhe derivatet e saj” – tha profesori Karlheinz Peter, zëvendës drejtor i Institutit Baker dhe autori kryesor i studimit.

“Regjimi i trajtimit pasqyron kushtet klinike në të cilat pacientët mund të marrin aplikimin e parë të vitaminës E në ambulancë ose pas mbërritjes në departamentin e urgjencës së spitalit” .

Hapi tjetër i studiuesve është të testojnë një formulë tashmë të aprovuar të vitaminës E në pacientët e pranuar në spital me një sulm në zemër, shpjegon profesor Peter.

“Qëllimi ynë është të tregojmë përmes skanimeve MRI se funksioni i zemrës ruhet me këtë metodë që mund të jetë një trajtim i lirë dhe efektiv për pacientët me sulm në zemër”- shpjegon profesori Peter.

Dozat e vitaminës E të përdorura në studim konsiderohen të sigurta nga Komiteti Shkencor për Ushqimin i Komisionit Evropian, që do të thotë se tashmë ofrohet një kornizë sigurie për zbatimin e metodës në provat klinike.

ME TE LEXUARAT