Vrasja e çiftit Pasho, dyshime se ka gisht edhe djali i tyre, vihet nën hetim së bashku me vëllanë e të dashurës

Aktualitet
Vrasja e çiftit Pasho, dyshime se ka gisht edhe djali i tyre, vihet

Vihen nën hetim dy persona të tjerë në lidhje me vrasjen dhe masakrimin e çiftit Pasho në Itali.

Pas Elona Kaleshit, tashmë kanë nisur hetimet për djalin e çiftit Pasho, Taulant Pasho dhe Denis Kaleshin, vëllai i 36-vjeçares Elona Kaleshi, e cila deri më tani është personi i vetëm që ndodhet pas hekurave për këtë ngjarje të rëndë.

Tashmë grupi hetimor do të verifikojë lidhjet e tyre me gjurmët e zbuluara në vendin e ngjarjes.

Elona Kaleshi, e cila është ish e dashura e Taulant Pashos prej një muaji ndodhet pas hekurave me akuzat e vrasjes, masakrimit dhe fshehjes së trupave të çiftit Pasho.

Sipas hetuesve me 2 nëntor të vitit 2015 e cila mendohet të jetë edhe dita e vrasjes së çiftit Pasho, Elona Kaleshi priti prindërit e të dashurit të saj që kishin ardhur nga Shqipëria për të takuar djalin e tyre i cili do të lirohej pas 4 vitesh nga burgu pas dënimit për trafik droge.

Vajza e tyre ka deklaruar se Elona ishte personi i fundit që pa prindërit e saj ende gjallë. Karabinierët dhe prokurorët tani po kërkojnë ndonjë të dyshuar për krimin e dyfishtë dhe po verifikojnë gjithashtu pozicionin e djalit të çiftit.

Shkak për këtë krim të rëndë deri më tani dyshohet një shumë prej 50 mijë eurosh që mbanin Shpëtim dhe Teuta Pasho.

Nëse përfshirja e Elonës në këtë ngjarje do të provohet, atëherë dyshimet janë se ajo mund të ketë pasur bashkëpunëtorë pasi do të ishte e vështirë të vepronte e vetme.

ME TE LEXUARAT