Komandoja shqiptar që humbi jetën, Xhevahir Iljazi shërbente në Herat të Afganistanit

Aktualitet
Komandoja shqiptar që humbi jetën, Xhevahir Iljazi shërbente

Një ushtar shqiptar me mision në Afganistan ka ndërruar jetë mbrëmjen e se martës, i identifikuar si Xhevahir Iljazi, ndërkohe qe ende nuk dihen rrethanat si ndërroi jetë ushtari shqiptar.

Lajmi është konfirmuar mëngjesin e sotëm edhe nga Ministria e Mbrojtjes, ku nëpërmjet një njoftimi zyrtar behet e ditur se te martën, në orën 22:40 ora lokale në Afganistan, ka humbur jetën ushtaraku me inicialet XH.J.

Autoritetet e Ministrisë së Mbrojtjes dhe Shtabit të Përgjithshëm po bashkëpunojnë me komandën e operacionit për të bërë hetimin e plotë të rrethanave në te cilat ka ndodhur ngjarja, ndërsa po sipas këtyre burimeve konfidenciale, dyshohet se ushtari mund te jete vetëvrare.

Ministri i Mbrojtjes dhe Shefi i Shtabit të Përgjithshëm siguron personelin në mision dhe familjet e tyre se do vijojnë të mbështesin e tu gjenden pranë për të përmbushur me sukses misionin.

Ministria e Mbrojtjes, Shtabi i Përgjithshëm dhe gjithë personeli i Forcave të Armatosura i shprehin ngushëllimet më të ndjera familjes për ndarjen e parakohshme nga jeta të njeriut tyre të dashur.

Ushtari që vdiq te martën, është i dyti shqiptar që ndërron jetë në mision në Afganistan, pasi në shkurt 2012 u ekzekutua kapiten Feti Vogli, pas një prite me armë në një fshat të Kandaharit.

Ndërkohë që 2019 ranë në krye të detyrës gjatë misionit të NATO-s në Letoni major Klodian Tanushi dhe Zarife Hasanaj.

ME TE LEXUARAT