E rëndë në Fier, polici përleshet me tre autorët, shmanget grabitja

Aktualitet
E rëndë në Fier, polici përleshet me tre autorët,

Persona ende te pa identifikuar tentuan te grabisin një dyqan celularësh në Fier. Ngjarja ndodhi sot rreth orës 06:10, në lagjen “Kongresi i Përmetit”.

Burime zyrtare nga policia bënë me dije se tre persona të paidentifikuar kanë tentuar për të vjedhur dyqanin e celularëve në pronësi të shtetasit R. C.

Gjatë tentativës për të kryer vjedhjen autorët janë pikasur nga një punonjës i policisë, i cili po shkonte për të marrë shërbimin në zonën policore.

Punonjës i Policisë ka ndërhyrë për të parandaluar vjedhjen duke u përplasur fizikisht me autorët, të cilët gjatë largimit kanë goditur me automjetin e tyre mjetin privat të punonjësit të policisë.

Në vendngjarje janë fiksuar prova materiale të lëna nga autorët të cilat do të shërbejnë në zbardhjen e ngjarjes dhe identifikimin e kapjen e autorëve.

Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve. Grupi hetimor nën drejtimin e Prokurorisë vijon punën për zbardhjen e rrethanave të ngjarjes.

ME TE LEXUARAT