"Parashikojmë ta mbyllim për 14 muaj", Rama zbulon 3 skenarët e vaksinimit të shqiptarëve

Politikë
"Parashikojmë ta mbyllim për 14 muaj", Rama zbulon 3

Kryeministri Edi Rama zbuloi skenarët e vaksinimit të shqiptarëve me vaksinën kundër koronavirusit, ku tha se procesi parashikohet të mbyllet për 14 muaj. Duke u ndalur te kontrata me kompaninë Pfizer, kryeministri deklaroi se do të bëhet publike, pasi do dërgohet në Parlament.

“Kemi garantuar 500 mijë doza. 10780 do vijnë në janar. Do vijnë rreth 30 mijë në shkurt. Kemi parashikuar me tre skenar ta mbyllim për 14 muaj. Në skenarin e tretë është në 24 muaj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Spanja tha se do e mbylli në vitin 2024 . Duam të jemi ambiciozë dhe ta mbyllim në 14 muaj. Ajo që po them është se ne në bazë të këtij plani jemi të vendosur se duke ecur me shpejtësi të shkëpusim hallka.

Vaksinimi ka dy efekte tek personi dhe tek komuniteti për të mos përhapur. Janë 2.2 milionë e përafërt që presin”, tha Rama në “Open”.

Më tej, kryeministri sqaroi sërish mënyrën e ardhjes së vaksinës në vendin tonë, ku theksoi se çdo flakon i vaksinës Pfizer ka një kod dhe në momentin që del nga dyert e kompanisë, ka një rrugë që është e pamundur të devijohet.

“Vaksinat që kanë ardhur janë një pjesë e vaksinave që do vazhdojnë të vijnë në mënyrë jotransparente.

Një gjë duhet të jetë e qartë, cdo flakon i vaksinës Pfizer ka një kod. Cdo flakon që del nga dyert e kompanisë Pfizer ka një rrugë dhe është e pamundur që ta marrësh dhe ta devijosh nga rruga.

Cdo rrugë ka një destinacion. Destinacioni i vaksinës në një vend të BE është e pamundur që të kthehet në një destinacion, ku ndodh cfarëdo qoftë për flakonin, qoftë për kushtet.

Vaksina ka ardhur e autorizuar, është e autorizuar nga një shtet.

Nëse fjala ime s’mjafton, e mirëkuptoj. Unë vaksinën e bëra vet, jo se desha të përfitoj nga rasti dhe t’i zija rastin dikujt tjetër, por e bëra pikërisht për të thënë se kjo vaksinë është vaksina Pfizer, e cila po injektohet në trupin tim”, u shpreh kryeministri.

ME TE LEXUARAT