"U dogj komplet", flet banori që shpëtoi gruan sot në Elbasan pas sherrit me fqinjin: Na ka zënë belaja

Aktualitet
"U dogj komplet", flet banori që shpëtoi gruan sot në

Personi që arriti të shmangë një tragjedi të mundshme ka folur para mediave në lidhje me konfliktin mes fqinjëve në Elbasan. Ai rrëfeu se gjithçka nisi nga fqinji, i cili thuhet se ishte i alkoolizuar dhe shau komshien. Më pas i hodhi benzinën dhe i shkaktoi djegie në trup. Banori tjetër reagoi menjëherë duke i hedhur peshqirë të lagur.

Para mediave, ‘shpëtimtari’ thotë se të gjithë zonën e ka zënë belaja me fqinjin, të identifikuar si Ndriçim Zekthi, i cili ndodhet aktualisht në komisariat.

“I vuni shkrepësen asaj. Ajo gruaja u dogj komplet. Mora disa peshqira të lagur që kisha aty dhe ja hodha në kokë, e fika në moment. Unë i dhashë ndihmën e parë. E shau ai çuni, gruaja u fut brenda por i vuri bidonin e benzinës në kokë. Djali u dogj nga veshi. Ai ishte budalla, merr policia e mban 2 orë, e nxjerr prap. Kemi gjetur belanë me të”, tha ai.

Konflikti mes fqinjëve ndodhi pasditen e sotme, kur Ndriçim Zekthi kërcënoi fqinjën se do ta digjte pas një problemi mes tyre.

Ende nuk janë të qarta motivet e konfliktit, ndërsa në vendngajrje duken shenjat e zjarrit. Zënka ka ndodhur ne ambientet e jashtme të ndërtesave të cilat ndodhen ngjitur mes tyre.

Policia mbërriti menjëherë në vendin e ngjarjes dhe ka shoqëruar personat e përfshirë. Ndërsa gruaja me djalin janë transportuar për në spitalin e Elbasanit, ku po merr ndihmë mjekësore.

ME TE LEXUARAT