Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Nuk pranoi të martohej me kushëririn, e reja dhe i dashuri i saj masakrohen për vdekje

Në një rast të rëndë të njohur si “vrasje nderi”, një vajzë e re është vrarë kurse i dashuri i saj u torturua e u vra pasi ajo refuzonte të martohej me kushëririn e saj në Turqi.

24 vjeçarja Vilda Ince, u detyrua të martohej me kushëririn e saj në një ceremoni fetare pasi ishte vënë nën presion nga familja.

Por ajo refuzoi lidhjen e detyruar dhe u largua me të dashurin e saj, 25 vjeçarin Osman Celik, rreth dy muaj më parë.

Familja ishte vënë në kërkim të çiftit por nuk arrinin t’i gjenin, derisa ata kishin ardhur në një festë të vitit të ri në qytezën Kaman, në krahinën qendrore turke Kirsehir.

Kur mësuan se ata ishin në Kaman, familja e vajzës ftoi çiftin në shtëpi duke thënë se dëshironin të pajtoheshin. Çifti pranoi ftesën e pajtimit dhe shkoi në shtëpinë fshatare të familjes.

Por sapo ata hynë në shtëpi, Vilda u dërgua në dhomën e banjës ku u masakrua me sende të mprehta, kurse i dashuri i saj u zhvesh, u torturua e përdhunua, para se të therrej për vdekje, raportonin mediat vendase.

Viktimat më pas ishin vendosur në vaskë që gjaku nga trupi i tyre të mos ndotte dyshemetë.

Më pas trupat u hodhën në një gropë jashtë fshatit ku u mbuluan me dhe.

Kur familja e Osman nuk kontaktonin dot me djalin e tyre, njoftuan policinë.

Oficerët ndaluan familjen Ince për marrjen në pyetje, të cilët rrjedhimisht pranuan vrasjen makabre dhe treguan ku kishin varrosur trupat.

Policia tha se pas rekuperimit të trupave, arrestuan babanë, vëllanë dhe kushëririn me të cilin vajza e ndjerë ishte detyruar të martohej, dhe dy të afërm të tjerë, të lidhur me vrasjet.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet