"Djali i vrau…", zbardhen përgjimet telefonike të nuses pas ekzekutimit të çiftit Pasho

Aktualitet
"Djali i vrau…", zbardhen përgjimet telefonike të

Medieat Italiane, kanë zbardhur orët e fundit përgjimet telefonike që autoritetet policore italiane kanë bërë në telefonin e 36-vjeçares Elona Kalesha, ish e fejuara e Taulant Pashos, djalit të Shpëtim e Teuta Pashos, trupat e të cilëve u gjetën të masakruara në katër valixhe pesë vite pas zhdukjes së tyre më 2 nëntor 2015.

Një ditë pas gjetjes së valixhes së katërt me pjesët e copëtuara të trupave të çiftit shqiptar, Elona Kalesha rreth orës 20.00 të mbrëmjes telefonohet nga Gaia, e fejuara e vëllait të saj, e cila e pyet se kush është personi i dyshuar për këtë vrasje.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Shumë veta po më shkruajnë, thotë Elona, por dihet që është ai, djali i tyre i ka vrarë, Taulanti”

“E di dhe vëllai i Shpëtimit këtë gjë.

Ai gjithmonë thoshte që Taulanti i ka vrarë, Taulanti as nuk i kërkonte prindërit e tij… si është e mundur të mos i kërkosh prindërit e zhdukur..

Ai ka qënë përherë një person i dhunshëm me prindërit i tërhiqte zvarrë me motorr”, thotë Elona Kalesha në bisedën me kunatën e saj Gaia.

Por nga ana tjetër motrat Pasho akuzojnë Elonën si autore të krimit ndaj prindërve.

Dorina Pasho në një bisedë telefonike me një mikeshën e saj shqiptare thotë

“Unë jam e bindur e do them që e ka bërë Elona, e jo vëllai im”

E ka bërë ajo me vëllain e saj, me babain, me nigerianët me të cilët punonte, mos u merrni me ne, po ju japim gjithcka në dorë faktet,e mos i nënvlerësoni”

Po ashtu dhe Viktoria Pasho vajza tjetër e Shëptim e Teuta Pashos ka deklaruar para hetuesve se mendon që vrasësi i prindërve të saj është 36- vjeçarja Elona Kalesha.

Ndërsa Elona Kalesha në bisedën me nënën e saj nënvizon disa herë që çifti Pasho u zhdukën në të njëjtën ditë kur Taulanti doli nga burgu.

“Ata do t’i jepnin të birit 60 mijë euro, e këto para nuk u gjetën”

Për momentin prokurorët e çështjes po hetojnë në 360 gradë për zbardhjen e këtij krimi makabër,Elona Kalesha mbetet deri më tani e akuzuara e vetme për vrasje të dyfishtë, dhunim të trupave të viktimave si dhe fshehjen e tyre.

Ndërkohë ekspertiza mjeko ligjore ka konfirmuar zyrtarisht se një pjesë e trupave të copëtuar e të gjetura në katër valixhe të hedhura në autostradën Firenze-Piza e në afërsi të burgut të Solleccianos, janë të Shpëtim e Teuta Pasho. Raporti mjeko ligjor erdhi pas krahasimit të analizave të trupave me ato të dy vajzave të tyre Dorina e Viktoria.

ME TE LEXUARAT