Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Nis vaksinimi me AstraZeneca në Britani, i pari që merr injeksionin është një 82-vjeçar me dializë

Ditën e sotme në Britaninë e Madhe ka nisur vaksinimin me AstraZeneca. Personi i parë britanik që ka marrë injektimin e vaksinës së AstraZeneca kundër koronavirusit është një 82-vjeçar i cili vuan nga dializa.

82-vjeçari sipas BBC quhet Brian Pinker një pacient në spitalin Churchill, u bë njeriu i parë dhe britaniku i parë që merr këtë injeksion nga Astra Zeneca.

Pasi tij vaksinën e AstraZeneca e ka marrë Trevor Cowlett, një mësues muzike 88-vjeçar, ndërsa i treti ishte Profesor Andreë Pollard, një pediatër që punonte në Spitalet e Universitetit të Oksfordit.

Vaksina e Universitetit të Oksfordit po shpërndahet në pothuajse të gjithë Britaninë e Madhe. Raportohet se ka nisur shpërndarja e 53 mijë dozave të para në gjashtë spitale në Oksford, Sussex, Lancashire, Warwickshire dhe dy në Londër.

Vaksina AstraZeneca është më e lirë dhe transportohet më lehtë sesa vaksina Pfizer-BioNTech. Kjo pasi temperatura që duhet të ruhet është si e barnave të zakonshme.

Britania të mërkurën u bë vendi i parë në botë i cili miratoi vaksinën AstraZeneca, dhe sot vendi i parë që nis vaksinimin me po këtë vaksinë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet