Viti i Ri me konfliktin e vjetër, Turqia bën lëvizjen e radhës, acarohet Greqia

Kosovë&Rajon
Viti i Ri me konfliktin e vjetër, Turqia bën lëvizjen e

2021 nis aty ku u mbyll 2020. Viti i Ri ka nisur me përshkallëzimin e tensioneve të vjetra mes Turqisë dhe Greqisë. Mediat greke shkruajnë se Ankaraja lëshoi ​​dy “Navtex” të ri të paligjshëm të shtunën, i pari i vitit, duke sfiduar juridiksionin grek rreth Kretës.

“Navtex”-i turk erdhi pas lëshimit të udhëzimeve përkatëse nga stacioni i Heraklionit për stërvitjet aeronautike të Forcave të Armatosura Greke.

“Navtex” i referohet rezervimit të zonave për ushtrime detare të hënën 4 janar dhe të premten më 8 janar.

Ministri turk i Mbrojtjes, Hulusi Akar deklaroi pak ditë më parë se autoritetet greke kishin njoftuar dhjetra “Navtex” brenda tre muajsh, diçka që “është provokim dhe jashtëzakonisht në kundërshtim me marrëdhëniet e fqinjësisë së mirë”.

Marrëdhëniet mes dy vendeve në 3 mujorin e fundit të vitit që lamë pas ishte mjaft të tensionuara, thuajse në prag të luftës.

Dy vendet nuk po e gjejnë gjuhën e përbashkët për t’u ulur në dialog për kufirin detar pavarësisht thirrjeve të forta nga BE dhe SHBA.

ME TE LEXUARAT